1009
Март һарын һүүл багта Словакида арадай хүгжэмэй буулгабаринуудай уласхоорондын "Гран-при имени Светозара Страчины" (Grand Prix Svetozára Stračinu-2019) гэһэн мүрысөөн түгэсэбэ. Энэ хэмжээ ябуулгада гүрэнэй радиокомпанинууд, дамжуулгын Европын зүблэлэй гэшүүд хабаадаа. Байгша оной уласхоорондын мүрысөөндэ Европын 12 гүрэнүүдэй болон Куба, Индонезиин түлөөлэгшэд хабаадажа, 39 буулгабари урилдаанда хабаадаа.
"Радио России" эмхиин бүтээһэн,Виктор Жалсановай гүйсэдхэһэн “Хүлэг морин тухай” гэһэн бүтээл уласхоорондын мүрысөөнэй гол шанда хүртөө. Гран-прида хүртэһэн арадай хүжэмэй буулгабари звукоинженер Светлана Новицкая, буулгабариин найруулагша Дмитрий Гнездилов, продюссер Людмила Осипова гэгшэд бүтээһэн байна.
Буряад Уласай соёлой яаманай мэдээсэлэй албанһаа гэрэл зураг абтаба
