869
Байгша оной мартын һарын һүүл багта Красноярск хотодо «Галерея звезд» гэһэн уласхоорондын II фестиваль-мүрысөөндэ Буряад Уласай Захааминай соёл урлагай һургуулиин хүүгэдэй «Радуга» гэһэн дуунай ансамбль хабаадаа. Мүрысөөнэй хоёр номинацида Захаамин аймагай эдир дуушад юһэн шанда хүртөө. «Эстрадный вокал» гэһэн 10-12 наһанай үхибүүдэй номинацида энэ ансамбль II шатын лауреадай дипломоор шагнагдаа. «Солисты» гэһэн номинацида Мэдэгма Доржиева, Варвара Антипова, Анна Дульская, Алиса Пашина, Ангелина Спицина, Нарантуяа Дондокова, Дарима Гомбоева гэгшэд II, III шатын лауреадуудай нэрэ зэргэдэ хүртэһэн байна.
Анха түрүүшынхиеэ уласхоорондын хэмжээндэ мүрысөөндэ хабаадаһан үхибүүд мартагдашагүй уулзалгануудые үнгэргөө, Красноярск хотын һонирхолтой газарнуудаар ябаа.
Буряад уласай соёлой яаман болон арадай уран бүтээлэй уласай түбэй дэмжэлгээр Захааминай соёл урлагай һургуулиин хүүгэдэй «Радуга» гэһэн дуунай уласхоорондын мүрысөөндэ хабаадаа гээд тэмдэглэлтэй.
