​​Буряад уласай Аха аймагай арадай театрнууд ана-мана урилдаба

Өөрлигэй соёлой түбэй тайзан дээрэ Ахын 3 һууринай арадай театрнууд зүжэгүүдые табиба.

Балагта һууринай һайн дуранай зүжэгшэд “Давай, ниилэе” гэһэн зүжэг үнэншэмэ бэрхээр наадажа, I һуурида гараа. Шүүгшэдэй бүлэгые Ородой Холбоото Уласай арадай артист, Буряад Уласай габьяата артист, Буряад Уласай гүрэнэй шангай лауреат, Монголой соёлой габьяата хүдэлмэрилэгшэ Нина Гармаевна Токуренова хүтэлбэрилөө. Һоёдой һуурин “Эхын эрхэ хүбүүн” гэһэн зүжэг табижа, II һуури эзэлээ. Бүрэн-Голой ба Хара Хужарай бүлэгүүд жэнхэни һайхан буряад хэлээрээ юрын байдал харуулһан зүжэгүүдые табижа, тус тустаа удаадахи һууринуудай шанда хүртөө.

Өөрлигэй арадай театр бүгэдэндэ жэшээ болгон, “Халуухан хүнжэл” гэһэн шог зүжэг харуулба. Энэ зүжэгөөрөө Эрхүү хотодо үнгэрһэн фестивальда тэдэ II һуури эзэлһэн байха юм.