​​Буряадай эдир хатаршад Ородой Холбоото уласай хатарай мүрысөөндэ амжалта туйлаба

Жэл бүри май һарын эхиндэ Эсэгэ ороноо хмгаалгын Агууехэ дайнай Илалтада зорюулагдаһан «Вальс Победы» гэһэн хатарай мүрысөөн Эрхүү хотодо эмхидхэгдэдэг.

Байгша оной хэмжээ ябуулгада Кемеровскэ можын, Красноярска хизаарай, Иркутск, Ангарск, Братск, Усть-Илимск, Улаан-Үдэ хотонуудай 210 паар хатаршад суглараа.

Улаан-Үдын «Данс-Лидер» гэһэн хатарай-тамирай клубай эдир хатаршад Егор Вторушин Елизавета Карабан хоёр «Юниоры-1, Е класс» гэһэн номинацида хабаадажа, түгэсхэлэй шатада орожо шадаашьегүй һаа, һайн дүнгүүдые харуулаа.

Дмитрий Захаров Мария Ястребова хоёр «Дети-2» гэһэн номинацида хахад финалда орожо шадаа.

Юшко Иван, Варвара Шевелева хоёр хатарай мүрысөөнэй түгэсхэлэй шатада орожо, гурбадахи һуури эзэлээ. Хүрэл медальда хүртэһэн бэлигтэйшүүл «Н класс» гэһэн номинаөида амжалта туйлаһан байна.

Хатарай Ородой холбоото Уласай турнир Нижний Новгород, Красноярск, Иркутск, Ангарск хотонуудай 17 шүүгшэд сэгнэһэн байна.