​​СУРХАРБААНАЙ ХҮНДЭТЭ АЙЛШАН – ДЕНБЕРЕЛ

Гэрэл зураг: ntv.ru

НТВ субагай эмхидхэһэн «Ты - супер!» гэһэн бүхэроссиин түсэлдэ илажа гараһан тува яһанай Денберел Ооржак Улаан-Үдэдэмнай айлшалхань.

Июниин 29-30-да үнгэрхэ «Наадан-Сурхарба­ан-2019» гэһэн үндэһэтэнэй ехэ нааданай түгэсхэлэй ехэ тоглолтодо Денберел Оор­жак хабаадахань.

Энэ ирагуу хоолой­той хөөрхэн хүбүүе бүхы зон таниха болоо. Тыва Уласай багахан нютагта түрэһэн Денберел Оор­жак хоёртойхон байхаһаа хойшо түрэлхидэйнгөө гэр бүлэдэ хүмүүжүү-лэгдэһэн юм. «Эжы» гэжэ энхэрэн нэрлэдэг Чодураа эгэшэнь лэ аялга дуунда дуратайень обёорһон ха.

Тиигэжэ хара багаһаа хүгжэм дуунда дура­тай хүбүүн байгша ондо бүхэроссиин хэмжээнэй урилдаанда илалта туйлажа, үнэн бэеэ харуу­лаа, абьяас бэлигээ олон түмэнэй урда гэршэлээ.

Денберел Ооржагай ха­баадалгатай ехэ тоглолто июниин 30-ай үдэшэ Бу­ряадай түб стадион дээрэ болохо гэжэ уншагшадтаа дуулганабди.