1205
Гүрэн даяар дүрбэдэхиеэ үнгэржэ байһан тус арга хэмжээе Ородой Холбоото Уласай Соёлой яаман, Киногой жаса болон «Культура.РФ» гэһэн Ородой соёлой нөөсэ баялигай болон заншалай портал эмхидхэнэ. Буряадай Үндэһэнэй номой сан «Киногой һүнидэ» хотын ажаһуугшад болон айлшадые хүлеэн абаха.
Августын 24-дэ кинотеатр, тоглолтын зал болон музейнүүдтэ бүхэроссиин һанал хуряалгын дүнгөөр шэлэгдэһэн фильмүүд харуулагдаха юм ха. Үдэрынь, 15 сагта, һохор, хараа муутай болон шэхэ хатуутай зондо тусхай тайлбаритай «Выкрутасы» гэжэ шог ёгто кино дурадхагдаха. Харин үдэшын 20 сагта Евгений Бедаревэй «Домовой», 21 сагта Андрей Волгиной «Балканский рубеж», 00.30 сагта Илья Куликовой «Полицейский с Рублевки. Новогодний беспредел» гэжэ кинонууд харуулагдаха гэжэ мэдээсэе.
Буряад Уласай Соёлой яаманай мэдээсэлэй албанай гэрэл зураг
