​​«Булагай» үргэлжэлэл

“Булаг-2” гэһэн киногой үзэгдэл

Мэдээжэ кино-найруулагша Солбон Лыгденов “Булаг” гэһэн фильмынгээ үргэлжэлэл Сагаалганай үеэр олониитын һонорто дурадхахаар найдана.

- Үбэлэйнгөө амаралтын үедэ “Булаг” гэжэ фильмынгээ үргэлжэлэл буулгаха гэжэ шиидээ һэмди. Мүнөө тэрэнэйнгээ хэһэг олоной анхаралда табихамни, харин Сагаалганай үдэрнүүдтэ уласайнгаа кинотеатрнуудаар хүсэд дүүрэнээр харуулхабди. Буряадаймнай арад түмэндэ гэнтын бэлэг болуужаг. “Булаг 2. Амидаралаа шэнээр” гэһэн гэнэншье һаа, далда удхатай, һайн юумэн мууе дараад лэ байха гэжэ баталһан киноемнай харахыетнай уряалнаб, - гээд, Солбон Лыгденов Фейсбук хуудаһандаа шэнэ фильмынгээ хэһэг табихадаа бэшэбэ.

Хүдөө нютагһаа гарбалтайшье һаа, Улаан-Үдэдэ түбхинэһэн нэгэ хүн хүгшэн болоһон эжыгээ хото руу нүүлгэнэ. Түрэхэ гарахаһаа ажаһууһан гэрээ, тоонто газараа орхихо баатай болоһон хүгшөөдэй уяран байжа: “Дахин хэзээшье ерэхэгүй гүбди?” – гэжэ хүбүүнһээ асууна.

Харин Солбон Лыгденов түрүүшынгээ “Булаг” гэжэ фильм 2013 ондо буулгаһан байна.

vk.com/Подслушано Бурятия