1510
СССР-эй Уран зохёолшодой холбооной гэшүүн, Буряадай Ленинскэ комсомолой шангай лаурет Мэлс Самбуевта зорюулһан «Би - тайгын хүбүүнби» гэһэн урилдаан Буряад уласта эмхидхэгдэхэ гэжэ уласай соёлой яаман дуулгана.
Тус мүрысөөн Мэлс Жамьянович Самбуевай 80 жэлэйнь ойдо, Агуу Илалтын 75 болон Санагын дунда һургуулиин 200 жэлнүүдэй ойн баярнуудта дашармдуулагдана. Наада эмхидхэһэн Захааминай уран зохёолшодой «Уран Дүшэ» нэгэдэл, Санагын сомон, дунда һургуули, Соёлой ордон, Захааминай хүүгэдэй урлалай һургуулиин Санагын таһаг, «Нэгэдэл» жаса уран зохёолшодые болон эдир бэшээшэдые, уран зураашадые болон дуушадые хүндэтэйгөөр урина.
Февралиин 15 болотор ямаршье сэдэбтэ зорюулжа буряадаараа бэшэһэн 5-6 зохёолнууд болон нэрэ обогоо, түрэһэн үдэрөө, гэрэйнгээ хаяг, утаһаа зааһан дансануудаа DarmaevaS56@mail.ru хаягаар эльгээхэ. Илагшад Захааминай аймагай Санагада уригдаха. Бүхы асуудалнуудаар: 89148487187, 890255305251, 89835391494 утаһаар хандаарайгты.
Тиихэдэ урдахи урилдаануудта илагшад хабаадахагүй.
Шагналай жаса - 50000 түхэриг.
Мүрысөөндэ ямар эрилтэнүүд табигданаб гэжэ эндэ харагты.
Буряад уласай соёлой яаманай мэдээсэлэй албанай гэрэл зураг
