1151
Ородой Холбоото Уласай соёлой яаман болон В.Д. Поленовэй нэрэмжэтэ Арадай уран бүтээлэй түб Ородой Холбоото Уласай можо нютагуудта «Дом культуры. Новый формат» гэһэн бэелүүлэгдэһэн түсэлөөр урилдаа соносхобо.
Бүхэроссиин хэмжээнэй урилдаан хоёр шатада үнгэргэгдэхэ. Түрүүшын шатада можо нютагуудта соёлой эрхим эмхи зургаанууд 2020 оной мартын 1 болотор элирүүлэгдэхэ. Удаань байгша оной мартын 20 болотор мэргэжэлтэ шүүбэришэд мүрысөөндэ илагшадые нэрлэхэ юм.
Соёлой һалбариин хүдэлмэрилэгшэдэй үдэртэ дашарамдуулан, Бүхэроссиин урилдаанай илагшадай шагнал ёһолол үнгэргэгдэхэ. Мүрысөөндэ илагшадта I-дэхи, II-дохи, III-дахи шатын дипломууд болон мүнгэн шангууд барюулагдаха, дүрбэдэхи, табадахи һуури эзэлһэн эмхинүүдтэ урмашуулгын шангууд болон дипломууд дамжуулагдаха.
Бүхыроссиин хэмжээнэй урилдаанай талаар гараһан асуудалнуудаар Буряад Уласай арадай уран бүтээлэй түб 37-93-60 гэһэн утаһаар хандажа болоно.
Буряад уласай соёлой яаманай мэдээсэлэй албанай гэрэл зураг
