​​Буряад уласай Бэшүүр аймагта соёлой байшан шэнэлэгдэбэ

Бэшүүр аймагай Шэбэртэдэ соёлой байшан һэльбэн шэнэлэгдээ. Удаан сагта үбэлэй сагта соёлой эмхиин түлэгдэлэггүй ушарһаа баярай хэмжээ ябуулганууд һургуулида үнгэргэгдэдэг һэн.

Үнгэрһэн жэлдэ уласай бюджетһээ соёлой байшанай заһабарилгада 2 сая 55 мянган түхэриг һомологдоо. Тиигэжэ байшан һэльбэн шэнэлэгдээ. Байгша жэлдэ уласай «Культура малой Родины» гэһэн программаар эд бараа, үндэһэн костюм, ноутбук, микрофон болон бусад хэрэгсэлнүүдые абахаар түсэблэгдэнхэй.

Шэбэртэдэ 1500-гаад хүн ажаһуудаг. Соёлой байшанай нээлгын баяр ёһололдо соёлой байшанай хүдэлмэрилэгшэд гоё һайхан тоглолто бэлдэһэн байна. 

Буряад уласай соёлой яаманай мэдээсэлэй албанай гэрэл зураг