​​«Тайшаагай ташуур» шэнээр найруулагдаба

Декабриин 5-да Хоца Намсараевай тоонто Хэжэнгэдэ алдарта “Тайшаагай ташуур” зүжэг табигдаха.

Нютагайнгаа суута уран зохёолшын 130 жэлэй ойдо нютагайнь арадай театрай бүжэгшэд энэ зүжэгые шэнээр найруулан табиба. Найруулагша Баярма Жалцановагай хэлэһээр, зүжэгэй бэшэлгэ, хэлэн тэрэ зандаа орхигдоошье һаа, удхань шэб шэнээр зэдэлнэ. Тон түрүүн арад зоной ажабайдал үнэн зүбөөр зураглагдажа, засаг зургаан яажа хүнэй ажабайдалда нүлөөлнэб гэжэ шэнжэлэгдэн, шэнээр харуулагдана. 19-дэхи зуун жэлэй тэгэнһээ болоһон түүхэтэ үйлэ ушарнууд буряадуудай ажабайдалые ямар эридээр хубилгааб гэжэ харагшад ойлгохо.

Арадай театрай зүжэг табилгада мэдээжэ мэргэжэлтэ хүгжэмшэн Галмандах Баттулга түрүүшынхиеэ хүгжэм найруулба ха. Тиихэдээ мэргэжэлтэдэй болон һайн дуранай бүжэгшэдэй хамтын зохёохы ажалые сэгнэхэ бодото арга харагшадта олгогдоно.

Бүжэгшэдэй дунда һурагшадшье, наһанайнгаа амаралтада гараһаншье хүнүүд бии. Тэрэ тоодо тамиршадшье наадана гэжэ тэмдэглэе. Эдэнэй дунда Сэсэгма Шойдоковагай гэрэлтэ одон яларха.

Шэнэ найруулга театрай хүгжэлтэдэ шэнэ урасхал оруулха гү гэжэ харагшад сэгнэлтэ үгэхэл даа. Тиигэбэшье, зүжэгэй энэ найруулга хуушан заншалта бэшэ, харин шэб шэнэ найруулга болоһониинь арсашагүй.

Декабриин 8-9-эй үдэрнүүдтэ Буряад театрта зүжэг табигдаха.