762
Зайн галаар хүсэд хангагдаһан тосхонуудһаа сохом холо оршодог гүүртэдэ мал ажахыгаа эрхилдэг малшад хэды шэнээн адуу мал баридаг байһанаа тоо бүридхэгшэдтэ тон тодорхойгоор хөөрэжэ үгэхэ зэргэтэй.
Хүдөө ажахын тоо бүридхэл хожом саашадаа угаа гүн удха шанартай. Улаан-Үдэ хотодо, аймагай түб һуурингуудта, мүн тиихэдэ Буряадай алишье тосхондо ажаһуудаг малшан, таряашан тоо бүридхэгшын олон асуудалнуудтань тэсэмгэйгээр харюусаһан лэ байха. Харин мүнөө хүдөө хүдхэ газарта оршодог заха үзүүрэй гүүртэнүүдтэ бодо болон жэжэ малаа бэлшээгээд ябадаг малшад шашаг аад, удха түгэлдэр асуудалнуудта харюусажа захалба. Түбһэн хүнэй ябага нюсэгөөршье хүрэхэгүй бүтүү газарнууд Ахын, Баунтын эвенк болон Хойто-Байгалай аймагуудта илангаяа элбэг юм. Тэндэ гүрэнэй 9 ажахы, харин үмсын 684 ажахы тусхай мэргэжэлтэдэй асуудалнуудта харюусаха ёһотой. Июлиин нэгэнһээ августын арбан табан болотор хүдөө ажахын томо 237 бүлгэм, фермернүүдэй 2379 ажахы, 146 мянган мал баридаг зон эгээл мэргэжэлтэнэй табиһан асуудал бүхэндэ сүлөөтэйгөөр харюусаад байна.
Ород гүрэнэй хүдөө ажахын тоо бүридхэлэй түгэсхэлэй мэдээн 2017 оной сентябрь һарада элирхэ юм.
Автор: Баяр ЖИГМИТОВ
