774
Байгша оной уларилай шэнжын һайн байһанһаа юм гү, али ондоо шалтагаар юм гү, Буряад орондомнай хуша модоной hамар тон элбэг гэжэ мэдэнэбди. Тэрэниие аяар 160 тоннодо хүрэтэр хуряахаар байна гээд шэнжэлэгшэд сэгнэнэ.
Эрдэмтэдэй тоолоһоор, Баргажан, Бэшүүр, Мухар-Шэбэр, Кабанскын болон Хори аймагуудта hамар илангаяа элбэгээр эдеэшээ. Өөрын хэрэглэмжэдэ hамар сохихо хэрэг 10-дахи hарын дүүрэтэр үргэлжэлхөөр хараалагдана. Уласай Байгаалиин нөөсэнүүдэй яаманда тодорхойлогдоhоор, нэгэ хүн заатагүй тэды хүрэтэр hамар суглуулха зэргэтэй гэhэн хуули еhо абтаагүй, өөртөө гэжэ ургаса хуряаха hаа, хэдышье хэмжээнэй hамар абахада болоно.
Хэрбэеэ олзо олохын тула hамарта гараа hаа, ойн участогые арендэдэ абажа, энээн тухай хэлсээ баталха эрилтэтэй. Мүн hамарта гарахадаа, ой модондоо гамтайгаар хандажа, эшэнүүдые хухалжа бү байгты гээд хэлэгдээ. Хүндэ түмэр түдэгөөр модоо ехээр сохихо болоо hаа, тэрэ 4-5 жэлэй үнгэрхэдэ, хаташаха аюултай. Модо унагаажа, ехээр хохидоогоо hаа, 5000 түхэриг хүрэтэр яладаунахаар.
Дарима ДОНДОКОВА,“Буряад Үнэн” мэдээсэлэй агентство
