​ХАМТЫН ХАРИЛСААН АША ТУҺАТАЙ БАЙХА ЗЭРГЭТЭЙ

Буряадай хүдөө ажахын болон эдеэ хоолой яаманда Хитадай Дотор Монголой автономито тойрогой Хүлэн-Буир хотын делегацитай зүблөөн үнгэргэгдэжэ, агропромышленна hалбариин талаар хоёр талада аша туhатай хэрэгүүдээр харилсаха тухай хэлсэгдээ. Республикын хүдөө ажахын сайдай орлогшо Пётр Брыковай ударилга доро болоhон энэ суглаанда илангаяа хоёр регионуудай хоорондо худалдаа-наймаанай, эдеэ хоолоор андалдаанай талаар хамтын предприятинуудые байгуулжа, олзоёо дээшэлүүлхэ арганууд тухай hанамжанууд дурадхагдаа. Буряадта теплична комплекснуудые байгуулха, hү тарагай фермэнүүдые хүдэлгэхэ проектнуудые ябуулбал, ехэ аша үрэтэй байха гэжэ инвестиционно түсэлнүүд харуулна. Хоёр талын түлөөлэгшэд тусэлнүүдээ алишье талаhаань шэнжэлээд, дахин уулзахаар хэлсэбэ.