943
Тиигэжэ 2016 ондо федеральна «Востокрегионжилье» эмхиин үгэһэн мүнгэн субсидиин ашаар Зүүн зүгэй сэрэгэй тойрогто алба хаажа байһан 60 сэрэгшэд өөрын байратай болобо. Тэрэшэлэн, үшөө найман алба хаагшадта урид баригдаһан байрануудые үмсэлхэ зүбшөөл үгтэбэ. Эдэ найман байранууд бүхыдөө 600 дүрбэлжэн метр хэмжээнэй гэжэ хэлэлтэй. Зүүн зүгэй сэрэгэй тойрогто алба хаагшадые байраар хангаха асуудал олон аргаар шиидхэгдэнэ. Тэрэ тоодо 9500 гаран дүрбэлжэн метр хэмжээнэй албанай байранууд тэдэнэртэ дамжуулагдана. Зүүн зүгэй сэрэгэй тойрогой хэблэлэй албанай мэдээсэһээр, мүнөө жэлэй туршада 500 гаран алба хаагшад болон тэдэнэй бүлэнүүд байрануудаар хангагдаһан байна.
