​Эдеэ хоолой сэнгүүд ургаhаар

Россидо hарадаа хэрэглэхэ эдеэ хоолой, эд бараанай болон хангалтануудай дунда зэргын бүридэл тодорхойлогдожо, тэрэнэй сэнгүүд саг үргэлжэ хинан шалгагдажа байдаг. Тэрээгээрнь зоной байра байдал шэнжэлэгдэдэг, сэгнэгдэдэг гээшэ. Тиин байгша оной август hарын hүүлэй мэдээгээр, энэ бүридэлэй сэн гүрэн дотороо 14 мянга 13 тухэриг арба найма мүнгэндэ хүрѳѳ. Энэнь Сибириин тойрогоор тоологдоhонhоо, 7 бүхэли 6 арбанай процент ехэ болоно. Хүршэ регионуудаар харахада, Алтай уласта сэнгүүдынь дээгүүр, бүридэлынь 15 мянга 361 түхэриг 52 мүнгэтэ болоно. Тон хямда сэнгүүд Омскын можодо, бүридэлынь 12 мянга зуун ерэн табан түхэриг жара юhэ мүнгэтэ болоно. Буряад уласта тойрогоор дунда зэргын дүнгүүдhээ сэнгүүд гурба гаран процент дээшээ байна гэхэ гү, али эд хэрэглэлгын бүридэл 13 мянга 427 түхэриг ерэ мүнгэтэ болоно. Бүхы регионуудта сэнгүүд ургана гээд Бурятстат дуулгана. Тон ехээр Эрхүүгэй можодо, Забайкалиин болон Алтайн хизаарнуудта эдем хоол, эд бараан болон хангалтанууд үнэтэй болоно. Дунда зэргын тэндэ 5 бүхэли 7 арбанай процентээр сэнгүүд дээшэлээ. Буряадта сэнгүүд 3 үлүүтэйхэн процентээр ургаhан байна.