971
Москвада Буряадай толгойлогшо Вячеслав Наговицын акционерна «Росипподромы» бүлгэмэй хүтэлбэрилэгшэ Николай Исаковтай уулзахадаа, Улаан-Үдын Дээдэ Онгостойдо оршодог ипподромоо заатагүй зохид түхэл маягтай болгохо тухай хэлсээ. Теэд «Росипподромы» бүлгэм Буряадта ажалнуудые ябуулха хүсэд зѳѳригүй хаш. Тиимэhээ хамтын хүсѳѳр энэ асуудалые шиидхэхэ гэжэ хэлсэгдээ. Зорилгоео бэелүүлхын тула амяараа акционерна бүлгэм байгуулжа, Буряадай тала мүнгѳѳрѳѳ оролсоод, ипподромоо барижа дүүргэхэ хүсэлтэй. Урид Россин президент тус объектые hэльбэн шэнэлжэ дүүргэхэ даабари үгѳѳ бэлэй. Тиин Буряадай Россин бүридэлдэ оруулагдаhаар 350 жэлэй ойн баярта дашарамдуулан hомологдоhон хахад миллиард түхэригэй оройдоол зуун хори миллиониинь ашаглагдаа hэн. Удангүй эзэнииншье hэлгээ. Буряадай хүдѳѳ ажахын яаманай мэдэлдэ байгаа ипподром «Москвагай конюшня» гэжэ федеральна предприятида оруулагдаа, тэрэниин удангүй «Россин ипподромууд» гэжэ бүлгэм болгогдоhон түүхэтэй.
Автор: Дарима ДОНДОКОВА
