​Буряадта мореор ябажа hургадаг hургуули байгуулагдажа магад

Энээн тухай Буряадай толгойлогшо Вячеслав Наговицын Москвада байха үедѳѳ «Россин ипподромууд» гэhэн бүлгэмэй хүтэлбэрилэгшэ Николай Исаковтай хэлсээ. Юуб гэхэдэ, «Газпром үхибүүдтэ» гэhэн программын еhоор, гүрэн дотор иимэ хэдэн hургуули баригдана. Тэрээндэнь оролсожо, Буряадта иимэ hургуули бии болгохо тухай «Газпромой» хүтэлбэрилхы зургаантай уулзахабди гээд Вячеслав Владимирович хэлээ. Буряадай ипподромые hэльбэн шэнэлхэтэй хамта мореор ябажа hургадаг гуламта барилсаа hаа, тон тааруу, удхатайшье байха гээд Буряадай толгойлогшо онсолно. Буряадта морин эрдэнидэ онсо хандасатай, эрын гурбан нааданай нэгэн болохо, мори урилдаандашье зон ехэ дуратай. Теэд хүүгэдэй мореор гүйлгэжэ hураха байра байдалай мүнѳѳ болотор зохеогдоогүй байhаниинь харамтай гээд Вячеслав Наговицын хэлээ.

детиипподромБурятияПравительство РБНаговицын Вячеслав ВладимировичГазпромконные скачкиНиколай ИсаковИпподромы РоссииАлексей Миллерконная школа