944
Хониной мяхан, тиихэдэ үндэгэн Улаан-Үдэдэ үнэтэй болоо, зүгѳѳр гахайн мяхан болон сыр хямдараа гээд Бурятстат дуулгаба. Тодорхойлбол, үнгэрэгшэ долоон хоногой дүнгѳѳр, нэгэ килограмм хониной мяханай сэн долоон түхэриг табин хоер мүнгѳѳр, тахяагай үндэгэнэй сэн нэгэ түхэриг дүшэ юhэ мүнгѳѳр дээшэлээ. Дабhанай, гэршүүхын хүрпэйн, үгэрсын, помидорой сэнгүүд мүн лэ нэмээгдээ юм байна. Харин гахайн мяхан гурба гаран түхэригѳѳр, сыр таба шахуу түхэригѳѳр хямдараад байна. Тиихэдэ хапууста, хартаабха, hонгино, морхооб гээд үнэгүй болонхой. Бензинэй болон саляархын сэнгүүд Буряадта, мүн хүршэ Шэтэ, Эрхүүдэ хубилгагдаагүй гээд мэдээсэгдэбэ.
