​Хүдөө ажахыда - шэнэ оньһото техникэ

Хүдөө ажахые мүнөө үеын шэнэ оньһото хэрэгсэлнүүдээр, техникээр хангалгын программа Буряад орон дотор хоёрдохи жэлээ ябуулагдана. 

Мүнөө жэлһээ энэ хэмжээндэ уһалалгын хэрэгсэл худалдажа абалганда мүнгэнэй дэмжэлтэ үгтэдэг болобо. 2009 онһоо һүнэй болон мяханай үүлтэр хүгжөөлгын шугамаар техникэ хэрэгсэлнүүд худалдажа абтагдана. Байгша ондо Буряад Уласай хүдөө ажахынууд 53 техникэ 50 миллионой түхэригөөр худалдажа абаһан байха юм. 2008 - 2015 онуудай хугасаада хүдөө ажахын шэглэлэй хэрэгсэлнүүдые худалдажа абалганда хамта дээрээ 2 миллиард түхэриг гаргашалагдаа.