​БАМ-да түмэр замай ажалшад шэнэ гэртэйнүүд болобо

Зүүн–Сибириин түмэр замай Таксимо станцида гурбан дабхартай шэнэ гэр һаяхана ашаглалгада тушаагдаба. 1450 дүрбэлжэн метр талмайтай энэ гэр 27 квартиратай. 2014 онһоо хойшо Байгал –Амарай магистралиин дэбисхэртэ иимэ дүрбэн гэр баригдаа. Зүүн Сибириин Түмэр замай түрүүлэгшын орлогшо Василий Зубаковай хэлэһээр, эгээл энэ үедэ БАМ хоердохи амисхалаа абажа, хүгжэлтын шэнэ шатада гаранхай. Шэнэ харгынууд, хүүргэнүүд, тоннельнууд баригдана. Тиимэһээ залуу бэрхэ мэргэжэлтэд ехэ эрилтэтэй болоо. Түмэр замай һалбарида хүдэлжэ эхилһэн зон бүхы наһаяа энэ хэрэгтэ зорюулдаг, тиимэһээ энэ ажалда хүдэлжэ байгаа зоной ажабайдалай шанартай, һайн байхын тула ехэ оролдолго гаргагдана гээд тэрэ тэмдэглээ. Гэр байрануудые, хүүгэдэй сэсэрлигүүдые, һургуулинуудые бариха хэрэгтэ ехэхэн мүнгэн һомологдодог. Дүтын сагта Вихоревка станцида 27 квартиратай шэнэ гэр ашаглалгада тушаагдахаар түсэблэгдэнэ.

Фото Бориса БАЛДАНОВА