​Тарбагатайн аймагта орооһото ургамалнуудые хуряалгын хүдэлмэри үргэлжэлһөөр

Байгша оной хабар 7608 гектарта орооһото ургамалнууд һуулгагдаһан байна. Харин зунай үедэ ган гасуур боложо, 3276 гектарынь голодоһондо оруулагдаа һэн. Тиин 4332 гектар газарһаа орооһо таряан хадагдана. Аймагай долоон ажахынууд таряагаа хуряана. Мүнөөдэрэй байдалаар 1934 гектарһаа таряан хадагдажа, 2036 тонно таряан абтаа. Нэгэ гектарһаа дунда зэргэ 10 хахад центнер таряан хуряагдана. Тиихэдэ 200 гектарһаа обеос хадагдажа, 180 тонно ургаса абтаа. Мүн 100 гектарһаа 65 тонно ешмээн хуряагдаа. Тиигэжэ бүхыдөө 2034 гектарһаа орооһото ургамалнууд хуряагдаад байна. Энэнь хуряагдаха газарай 47 процент болоно. Даб дээрээ бүхыдөө 2281 тонно орооһо таряан амбаарлагданхай. Орооһо хуряалгада 27 комбайн, 14 томо автомашина хүдэлнэ. Тоогуудта ашаглагдаха техникэ бэлэн болгогдонхой. Мүн үрэһэ хүрэнгэ нөөсэлэгдэжэ эхилээ. Тиихэдэ 1299 гектарта һуулгагдаһан хартаабха малтагдажа, 17436 тонно ургаса абтаа. Гадна 148 гектарһаа овош хуряагдажа, 3827 тонно ургаса амбаарлагдаһан байна.

Фото из архива ИД "Буряад унэн"