919
Һүүлэй табан жэлэй туршада локомотив-вагон заһабарилгын заводто үйлэдбэриие шэнэлэн зэбсэгжүүлхэ хүдэлмэри ябуулагдана. Энээнэй ашаар анхан хари гүрэнүүдтэ бүтээгдэдэг байһан продукции өөһэдөө гаргаха аргатай болонхой. Тиигэжэ 500 миллион түхэригэй продукци бүтээн гаргаа юм. «Локомотив 2015» гэһэн проектын еһоор электромашина болон шудхалгын-механическа үйлэдбэринүүд шэнэлэгдээ. Энэ табан жэлэй туршада нэгэ миллиард гаран түхэригэй инвестици шэглүүлэгдээ. Тиигэжэ Украинада, Сербидэ бүтээгдэдэг байһан продукци өөһэдөө бүтээдэг болоо. Инвестиционно проектнүүдые бэелүүлһэнэй ашаар зарим цехүүдтэ ажалай бүтээсэ 15-20 процент дээшэлүүлэгдээ.
Автор: Дарима ДОНДОКОВА
