955
Буряадай 44 эмхи зургаан ажалшадтаа салингай талаар 112 миллион түхэриг үритэй болоод байна.
Үйлэдбэриин, барилгын болон бусад hалбариинуудай предприятинууд олзо оршынгоо бага болоходо, ажалшадтаа салин түлэхэдөө бэрхэшээлнүүдтэй ушардаг болоод байна. Энээн тухай гэжэ прокуратурын хэблэлэй албан мэдээсээ.Үнгэрһэн һарын эхинэй байдалаар салингай үри шэри 84 миллион түхэригтэ хүрэhэн байна. Абтаhан хэмжээнүүдэй ашаар 25 предприяти ажалшадтаа салингыень дууhан түлэжэ, үригүй болоо. Мүнѳѳ дээрээ 4 эмхи ажалшадтаа хамта дээрээ 19 миллион түхэриг салингай мүнгэ үритэй байна.
Гэхэ зуура, Баунтын эбэнхэ, Бэшүүр, Ивалга, Хурамхаан, Хори болон бусад аймагуудай прокурорнууд салингай мүнгэ дутуу түлэдэг эмхинүүдые элирүүлжэ, тэдэниие хэһээхэ хэмжээ абаа. Ажаhуудалай бага хэмжээнhээ доогуур салин түлэдэг, аймагай коэффициент нэмэдэггүй эмхинүүд тодоруулагдаа. Тиихэдэ хүйтэн уларилтай газарта ажал хэhэнэй түлѳѳ түлэгдэдэг нэмэлтэ зарим эмхинүүдтэ үгэдэггүй байгаа. Улаан-Үдын Зүблэлтэ болон Октябриин хороонуудай прокурорнуудай үүсхэлээр ажалай хэлсээ баталангүй зониие хүдэлгэдэг 4 предприятиин хүтэлбэрилэгшэд харюусалгада хабаадуулагдаа.
Автор: Дарима ДОНДОКОВА
