967
Хүдөө ажахын үйлэдбэриин комплексын ажаябуулгада хабаатай асуудалаар ниитын зүбшэн хэлсэлгэ Буряад Уласта үнгэргэгдэбэ.
Энэ һалбарида 2011 онһоо Буряад Уласай 17 программа бэелүүлэгдэнэ гэжэ хэлэлтэй. Тэдэниие бэелүүлһэнэй үрэ дүнгүүдынь олондо мэдээжэ: табан жэлэй туршада 87700 тонно орооһон хуряагдаа, 156300 тонно хартаабха, 54700 тонно газарай ургамалай зүйлнүүд ургуулагдаһан байна.
Гэр бүлын фермэнүүдые эмхидхэһэн зондо туһаламжын программа 2012 онһоо бэелүүлэгдэжэ, 165 фермернүүдэй шэнэ ажахынууд тогтоогдобо, һү һаалиин 16 фермэнүүд эмхидхэгдээ. Табан жэлэй туршада хүдөө ажахын үйлэдбэриин комплексдо 6 миллиард 700 миллион түхэригэй хүрэнгэ мүнэг шэглүүлэгдэбэ. Тиигэжэ 2010 онойхитой зэргэсүүлхэдэ, хүдөө ажахын продукциин хэмжээн 68 процентээр дээшэлһэн байха юм.
Автор: Дарима ДОНДОКОВА
