​Коммунальна үри шэритэй эд хэрэглэгшэд хангалтанудhаа болюулагдана

«ТГК-14» бүлгэм саг соогоо түлбэринүүдээ оруулдаггүй эрхэтэдые гол тулэб халуун уhанhаань хаhана. Тиин ганса энэ hарада 80 квартира иимэ хангалтагүй болгогдоо. Дүтын үдэрнүүдтэ үшѳѳ хэдэн байранууд гансал хүйтэн уhатай үлэхэ баатай. Даб дээрээ ниислэлэй 6 мянга гаран эрхэтэд хангалтаяа хаhагдахаар үнэмшэлгэнүүдые гартаа абанхай. Тэдэ дүн хамта 110 миллион гаран түхэриг үритэй. «ТГК-14» бүлгэмэй мэргэжэлтэдэй ойлгуулhаар, үри шэриин гүйсэд хаагдатар, халуун уhан үгтэхэгүй. Суглуулhан үриео дүүрэн түлэхэhѳѳ гадна, хангалтануудhаа хаhагшад дахяад халуун уhа дамжуулдаг соргоео нээлгүүлхын тула 2783 түхэриг оруулха еhотой. Хэрбэеэ ѳѳрѳѳ халуун уhанай соргоео хүдэлгүүлээ hаа, байрын эзэн үшѳѳ 30 мянган түхэригhѳѳ дээшэ ялада унаха гээд хэлэгдээ. Даб дээрээ ажаhуугшад коммунальна хангалтануудайнгаа түлѳѳ 680 миллион гаран түхэриг үритэй гээд мэдээсэгдэбэ.

Фото Татьяны БАЖЕНОВОЙ