​Зониие ажалаар хангаха шухала – Буряадай эдэй засагай яаман уридшалагдаһан түсэб баталан абахань

Буряадай эдэй засагай (экономикын) яаманай мэргэжэлтэд ажалай кадрнуудые бэлдэхэ талаар уридшалагдаһан түсэб баталан абаха зорилготой.

Энээнһээ уламжалан, хүдэлмэригүй эрхэтэдые ажалаар хангаха талаар хэмжээ ябуулганууд бэелүүлэгдэжэ эхилхэ болоно. Ажалай мэргэжэлнүүдтэ гүрэнэй захил хэгдэжэ, тусхай һуралсал гараһан эрхэтэд абаһан мэргэжэлээрээ али нэгэ предприятида гү, али эмхидэ хүдэлхэ аргатай байха. Гүрэнэй захилаар промышленна үйлэдбэриин, хүдөө ажахын, барилгын, транспортын, хэлхеэ холбооной һалбаринуудта ерээдүйн ажалшадые бэлдэлгэ гуримшуулагдаха. Тиигэжэ эмхи зургаанууд болон предприятинууд бэлэдхэлтэй мэргэжэлтэдээр хангагдаха, эрхэтэд ажалаар хангагдаха хараатай.