903
Ерэхэ жэлдэ багшанарта түлэхэ салинай гурим хубилгагдаха гээд, Ородой Холбооной Гүрэнэй Дүүмын һунгамал Алдар Дамдинов дуулгаба.
Мүнѳѳ хадаа Ородой Холбооной эрдэм болбосоролой яаманда салин тоолохо шэнэ арга зохеон бүридхэгдэжэ байна. Жэлэй дүүрэтэр тэрэнь Дүүмын депутадуудай үзэмжэдэ дурадхагдажа, удаань можо нютагуудта зүбшэн хэлсэгдэхэ болоно. «Даб дээрээ багшанар нютагайнгаа арга боломжоhоо дулдыдан, салингаа абана. Зүгѳѳр бүхы гүрэн дотор багшанарта нэгэ адли эрилтэнүүдэй табигдана хада, салиншье тэгшэ байха еhотой», - гээд Алдар Дамдинов тэмдэглээ. Багшанарай салин шэнэ гуримаар тоологдодог болоhоор, 7 жэл үнгэрѳѳ. Тэрэнь баазова болон урмашуулгын хубинуудhаа бүридхэгдэдэг. Бүхыдэнь багшанарай салин нэмэгдэхэ аад, бодото дээрээ бага болоо гээд, гүрэнэй 3 мянган шахуу багша Россиин юрэнхылэгшэ Владимир Путинда гомдол барижа, нээмэл бэшэг эльгээгээ hэн. Хэдэг ажалнай ехэ болоод, абадаг мүнгэмнай нилээн хороо гээд тэдэ тэмдэглээ бэлэй.
