847
Түрэлхидэй харууһагүй үлэһэн табан гү, али табаһаа дээшэ үхибүүдые гэртээ хүмүүжүүлжэ байһан эрхэтэдтэ нэмэлтэ 24 мянга гаран түхэриг ерээдүйн 3 жэлэй туршада түлэгдэжэ байха.
2015 ондо Буряад Уласай иимэ хуули баталан абтагдажа, энэ хэмжээ ябуулга ехэ аша үрэтэй байһанаа гэршэлбэ. Мэргэжэлтэдэй мэдээсэһээр, табан гү, али табаһаа дээшэ үхибүүдые гэртээ хүмүүжүүлхэеэ абаһан бүлэнүүдэй тоо гурба дахин олошорһон байна. Тиимэһээ Буряад Уласай бюджедэй гаргашанууд алмагдана гэжэ Арадай Хуралай депутадууд тэмдэглэнэ. Мүнөө айл бүлэнүүдтэ хүмүүжүүлэгдэжэ байһан багашуул хүүгэдэй һангай гэртэ байгаа һаань, тэдэнэй ажамидарал хангахын тулада Буряад Уласай бюджедһээ 117 миллион түхэриг гаргашалагдаха байгаа. Мүнөөдэрэй байдалаар Буряад Уласай 41 бүлэдэ 232 үхибүүн хүмүүжүүлэгдэжэ, мүнгэн һанһаа оройдоол 1 миллион түхэриг үгтэнэ.
