1079
Декабриин гурбанай-дүрбэнэй үдэрнүүдтэ Улаан-үдэ хотодо Мяханай яармаг үнгэрхэнь.
Буряадай Хүдөө ажахын болон эдеэ хоолой яаманай таһагые даагша Дамдин Намсараевай мэдээсэһээр, ниислэл хотын худалдаа-наймаанай «Туяа», «Крестьянский», «Фортуна» комплекснуудта, «Стимул», «Октябрьский» болон Түбэй дэлгүүрнүүдтэ – бүхыдөө найман газарта мяханай яармаг эмхидхэгдэхэ. Уридшалагдаһан хараагаар, заншалта болоһон Мяханай яармагта хоер зуу гаран эмхинүүд өөһэдынгөө продукциие худалдаа-наймаанда дурадхаха юм. Тэрэ тоодо хүдөөгэй кооперативууд болон таряашадай, һаалинуудай ажахынууд, хубиин ажахын эзэд бүхыдөө 400 гаран тонно мяханай болон эдеэ хоолой бусад зүйлнүүдые хотын ажаһуугшадта наймалхаар бэлэн.
