​Мяханай яармаг малшадые дэмжэһээр

Yнгэрһэн амаралтын үдэрнүүдтэ үнгэргэгдэһэн мяханай яармагай үедэ 80 миллион түхэригэй 500 тоонно мяхан наймаалагдаа.

Буряадай Хүдөө ажахын болон эдеэ хоолой яаманһаа мэдээсэһээр, 200 гаран хүдөө ажахынууд, фермерэй ажахынууд, эд хэрэглэлгын кооперациин эмхинүүд, хубиин хамһабариин ажахынууд яармагта хабаадаһан байна. Улаан-Үдэ хотын түбэй дэлгүүртэ, «Крестьянский», «Стимул», «Фортуна», «Туяа» болон бусад газарнуудта мяхан худалдаанда элбэгээр табяатай байгаа. Хүдөө ажахын «Мэлэ», «Надежда», «Yльдэргэ», «Хамтадаа» болон бусад кооперативууд энэ яармагта жэл бүри хабаадажа, горитой продукци наймаалдаг заншалтай.

Һүүлэй жэлнүүдтэ энэ яармагай ашаар хотын ажаһуугшад хямда сэнгээр мяха худалдан абадаг болонхой. Yхэрэй, гахайн, адуунай, хониной мяха, гэдэһэ доторой зүйлнүүдые, колбаса, загаһа, алим жэмэс, һамар элбэгээр дурадхагдаа. Саашадаа энэ яармаг Крестьянский, Стимул гэһэн дэлгүүрнүүдтэ үнгэргэгдэжэ байха юм.