999
Аяншалга хүгжөөлгын асуудалда зорюулагдаһан энэ зүблөөндэ Буряадай толгойлогшо Вячеслав Наговицын хабаадаа. Аяншалгын кластернуудай хэр баригдажа байһые шалгаха зорилготойгоор Олег Сафонов регионуудаар ябахань гэжэ «РИА Новости» агентствэ мэдээсээ һэн.
«Ажал хэрэгүүдэй саг» гэһэн форум дээрэ аяншалга хүгжөөхэ тухай федеральна программа муугаар бэелүүлэгдэжэ байһан нютагуудай тоодо Буряад улас, Саха-Яхад Улас, Липецкын, Амарай можонууд, Хабаровскын хизаар нэрлэгдээ.
Кабанскын аймагта Мамай уулын энгэртэ хадаһаа санаар һолжоржо сэнгэхэ курорт бариха талаар түсэб тухай Буряадай экономикын яаманай аяншалгын хорооной түрүүлэгшэ Баярма Цыдыпова энэ зүблөөн дээрэ мэдээсээ. Тиихын тулада «Подлеморье» гэһэн аяншалгын кластерай хилэ үргэдхэхэ зүбшөөл абалгада туһалхыень Олег Сафоновто хандаа. Кластерай хилэ 100 модоной хэмжээндэ үргэдхэхөөр хараалагдана. Тиимэһээ энэ түсэлөөр өөһэдынгөө дурадхалые агентствэдэ дамжуулхыень мэдүүлээ.
Дарима Дондокова
