848
Шэнэ жэлһээ интернадта һурадаг үхибүүд гансал гэртэхинэйнгээ түлбэреэр хооллодог болохонь. Иимэ шиидхэбэри Буряадай Һуралсалай болон эрдэм ухаанай яаманда абтаба. Мүнөө сагта интернадай һургуулинхид 112 түхэригээр эдеэ хоол баридаг, тэрэнэй хахадыень гэхэ гү, али 56 түхэригыень үхибүүнэй гэртэхин даажа абадаг гуримтай байгаа. Харин шэнэ жэлһээ гүрэнэй хуби болюулагдажа, гэртэхин хүүгэдэйнгөө хоол гүйсэд дааха болобо. Гэбэшье, эрэмдэг бэетэй, үншэн, аба эжын харууһагүй үлэһэн үхибүүд, олзо багатай гэр бүлэнүүдэй хүбүүд, басагад хуушан гуримаар хангалтынгаа хахадыень түлэхэ гээд мэдээсэгдэбэ.
Фото pixabay.com
