1165
Ерэхэ жэлдэ Улаан-Үдын пенсионернүүд зуһаланайнгаа газар хүрэтэр хүнгэлэлтэтэй сэнгээр ябаха. 2017 оной майн 1-һээ октябриин 1 болотор тэдэнэр зуһаланууд хүрэтэр ябадаг 14 маршрудаар хүнгэлэлтэй сэнгээр ябаха гэжэ хотын захиргаанһаа мэдээсэнэ. Һарын туршада хүнгэлэлтын хэмжээн зуунай 50 хуби хүрэтэр хямда байха. Мэргэжэлтэдэй тоолоһоор һарын туршада зуһалан хүрэтэр ябаха биледэй сэн 600 түхэриг гээд, тодорхойлогдоо һаа, пенсионернүүд 300 түхэригөөр ябаха байна. Тиихэдээ тэдэнэр үдэр соо хэдыш дахин ябаха аргатай юм. Байгша ондо һара бүри 960 пенсионер хүнгэлэлтэтэй биледээр ябаа. Энэ үедэ 4805 хүнгэлэлтэтэй билет худалдагдаа. Хотын бюджедһээ автопредприятинуудта пенсинернүүдые зөөхын тула 1 миллион 441 мянган түхэриг дамжуулагдаа.
Фото pixabay.com
