​Зайн галай түлөө үнэ сэн унаха гү?

Тиимэһээ Буряадта хэрэглэгдэжэ байгаа тариф Ород гүрэн дотор зэргын хэмжээнһээ доогуур байна. Уласай тарифай талаар албанай үнгэргэһэн шалгалтын дүнгүүд энээниие гэршэлнэ. Тус албанайхид Россин субъектнүүдэй зайн галай тарифуудые зэргэсүүлэн шэнжэлжэ, иимэ тобшолол хэбэ. Тэдэнэрэй мэдүүлһээр ороной нютагуудта тарифууд ехэ илгаатай байна. Нижегородско можодо, Чукоткодо зайн галай тариф тон үнэтэй. Эгээл үнэгүй зайн гал Эрхүүгэй можодо хэрэглэнэ. Байгша оной июлиин 1-һээ элшэ хүсэнэй тариф манай Буряадта 3 түхэриг 5 мүнгэнһөө хоер түхэриг 87 мүнгэн хүрэтэр доошолуулагдаа һэн гэжэ һануулмаар.