​Буряадай үйлэдбэриин шухала хэрэгүүд нэрлэгдээ

Дэлхэйн хэмжээндэ экономикын доройтойжо байбашье, Буряад уласта хүгжэлтын дунда болзорой программа бэелүүлэгдээ. Тиин экономикын доройтолгые валова продуктын хэмжээндэ харахада, 2 процент болоо, жэлэй инфляциин хэмжээн 6 процент гээд тодорхойлогдоо. Yнгэрhэн жэлдэ үйлэдбэриин hалбарида удха шанартай 7 үйлэ хэрэг нэрлэгдэбэ. Буряадай 9 предприяти «Гемма» гэһэн уласхоорондын конкурсын шанда хүртөө. Улаан-Үдын ЛВРЗ «Алтан локомотив» гэһэн шагналда хүртөө, 30 мянган электровоз заһабарилжа, «Россиин туйлалтануудай номдо» оруулагдаа. Улаан-Үдын авиазавод Арктикада хүдэлхэ МИ-171 АМТШ-Ва түхэлэй вертолет гаргажа эхилээ. Селенгинск тосхондо Байгалай комбинат хүдэлжэ захалаа. Мүнөө үеын оньhон түхеэрэлгэнүүдтэй машина болон прибор бүтээлгын кластер байгуулагдаа. Буряад ороной 46 проект «Россин венчурна компаниин» стартап-акселератор гэһэн программада оруулагдаа. Залуушуулай инновационно зохеохы ажалай дүрбэн түб байгуулагдаһан байна.