935
Шэнэ жэлһээ заншалта еhоор зайн галай сэн нэмэгдэдэг юм аад, энэ удаа бага болгогдохонь.
Тиигэжэ нэгэ киловатт часай түлөө 2 түхэриг 97 мүнгэн түлэгдэхэ еhотой гээд түсэблэгдэhэн hаа, бодото дээрээ зайн галнай 2 түхэриг 75 мүнгэтэ байха. Россин засагай газарай шиидхэбэреэр, байгша оной хоердохи хахадhаа Буряадта коммунальна хангалтануудай түлбэринүүд дунда зэргын 3,5% ургаха.
Оросой Холбоото Уласай федеральна монополидо эсэргүүсэдэг албан регион бүхэндэ тарифуудай доодо болон дээдэ захануудые тодорхойлоо. Тиигэжэ, энэ зунай дунда hараhаа зайн галай элшэ хүсэн 2 түхэриг 97 мүнгэтэ болохо, мүнөө 2 түхэриг 87 мүнгэн түлэгдэнэ гээшэ. Тэрээн зуураа, Буряадай тарифуудай талаар албанай тусхай тогтоолой еhоор, тариф 4 процентээр буураха эрилтэтэй. Энээнhээ уламжалан, байгша оной июлиин 1-hээ нэгэ киловатт зайн гал 2 түхэриг 75 мүнгэтэ болохо.
Гүрэнэй 83 регионууд сооhоо Буряад улас зайн галайнгаа сэнгээр 22-дохи hуурида тоологдоно гээд мэдээсэгдэбэ.
Дарима ДОНДОКОВА, “Буряад үнэн” мэдээсэлэй агентство
