908
Буряад Уласта үхибүүдтэ тоологдодог тэдхэмжэнүүд 6 процентээр дээшэлээ.
Уласай социальна хамгаалгын яаманай хэблэлэй албанай дуулгаhаар, үхибүүдтэ, тэрэ тоодо хүүгэдые үргэжэ абаад үндылгэжэ байhан бүлэнүүдтэ түлэгдэдэг тэдхэмжэнүүд нэмээгдэнэ. Тиигэжэ, үхибүү харуулһанай түлөө тэдхэмжын баазова хуби 165 түхэригтэ хүргэгдөө, ганса гэртэхинэй тэдхэмжэ 246 түхэриг байха болоо, харин алиментнүүдээ түлэдэггүй гэртэхинтэй, сэрэгэй алба хаажа байгаа түрэлхидтэй хүүгэдэй тэдхэжмэ 216 түхэриг тоологдодог болоо.
Үргэмэл хүүгэдтэй бүлэнэр нэгэ үхибүүнэй түлөө 4452 түхэриг абадаг болохо. Бүхы эдэ тоололгонууд дээрэ аймагай нэмэлтэ хэгдэхэ юм. Гадна, хүүгэдые үргэжэ абаhан гэртэхиндэ түлэгдэдэг тэдхэмжэ мүн лэ 100-най 6 хубяар ургаха гээд дуулгагдаба.
Дарима ДОНДОКОВА, “Буряад үнэн” мэдээсэлэй агентство
