​Байгаали хамгаалгада мүнгэн һомологдоно

Ородой Холбооной Уласта соносхогдоһон Байгаали хамгаалгын жэлдэ Буряад орондо соносхогдоһон байгаалиин онсо харууhатай газарнуудай талаар хэмжээ ябуулгануудые бэелүүлгэдэ федеральна бюджедһээ 600 сая гаран, Буряадай мүнгэн һанһаа 450 сая гаран түхэриг гаргашалагдаха байна. Буряадай гүрэнэй тусхай зорилготой дүрбэн программада энэ мүнгэн хараалагданхай юм. Хатуу хаядаһа суглуулха полигон барилгада, сэбэрлэлгын түхеэрэлгэнүүдые һэльбэн шэнэлэлгэдэ, ой модо тарилгада болон бусад хэмжээ ябуулгануудые бэелүүлгэдэ энэ мүнгэн һомологдохо. Буряадай Байгаалиин нөөсэнүүдэй яаманай мэдээсэһээр, федеральна бюджедтэ хубилалтануудай оруулагдахада, энэ мүнгэнэй хэмжээн ондоо боложо магад.