​ГАЗАЙ СЭН ДЭЭШЭЛЭЭ

Ушар юуб гэхэдэ, «Бурятгаз» бүлгэм Буряадай эрхэтэдые газаар хангадаг ори ганса эмхи болоно. Энэ эмхиин харгын гаргашануудынь газай сэнгүүдтэ ехэ нүлөө үзүүлдэг байна. Тиимэһээ газай сэнгэй нэмэһэн ушараар шалгалта эрхилэгдэнэ. Мүнөө Буряад Уласта нэгэ литр газай сэн 17 түхэриг 90 мүнгэн болоно. Антимонопольно албанай Буряад Уластахи управлениин хүтэлбэрилэгшэ Елизавета Потаповагай мэдээсэһээр, «Бурятгаз» бүлгэмэй өөрын дураар газай сэн дээшэлүүлээгүй.