958
2015 оной январиин нэгэнһээ Буряад Уласта гэр байрын түлөө түлэгдэхэ налог татабари байшангай кадастрай сэнһээ дулдыдадаг юм. Ородой Холбоото Уласай Налог татабариин кодексын ёһоор яла түлэхэ болзор декабриин нэгэнһээ хойнотохо ёһогүй.Тиимэһээ тэрэ болзор соо гэр байрын түлөө татабари түлөөгүй һаа, декабриин хоёрһоо үшөө яла нэмэгдэхэ юм.
Буряад Уласай Зөөриин болон газарай харилсаануудай сайдай уялга дүүргэгшэ Маргарита Магомедова байһан хуулида нэмэлтэ оруулха гэһэн дурадхал мүнөө сессидэ оруулба.
- Хүнүүд хэзээ яла түлэхэ болзороо мэдэнэгүй,- гэжэ Маргарита Магомедова тодорхойлбо.
Тиимэһээ 2015 оной татабари болзор соогоо түлэгдөөгүй ушараар, нэмэлтэ яла 2017 оной майн нэгэнһээ тоологдохо дурадхал оруулагдаа.
Гэр байрын түлөө болзор соогоо яла түлэхэ хүнүүдээ дэмжэхэ, шэнэ гуримда дадааха зорилготой нэмэлтэнүүд абтаһан байха юм.
