987
Буряад Уласай соёлой байшангуудай материальна бааза шэнэдхэлгэдэ
мүнгэ һомолхо тухай Буряад Уласай Засагай газар дурадхажа, тэрэнииень Арадай Хурал дэмжэһэн байна.
Буряад Уласай Үндэһэтэнэй номой сангай байшангай һэльбэн шэнэдхэлгэдэ 60 млн. түхэриг мүнгэн дамжуулагдаха. Энэ мүнгэ зөөри “Ород гүрэнэй соёл”гэһэн федеральна программаар хараалагданхай. Хүдөө нютагта соёлой болон спортын байшангуудые бариха гэжэ “Хүдөө нютагуудай хүгжэлтэ” гэһэн федеральна программада Буряад Улас хабаадаха түсэбтэй.
Һомологдохо нэмэлтэ мүнгэнһөө соёлой байшангуудай материальна- техническэ шэнэлэгдэхэ.Хатарай колледжын хамтын байрада оюутадые халуун эдеэгээр хангаха, Гүрэнэй архивта дансануудые хадагалха шэнэ түхеэрэлгэнүүд табигдаха. Эндэ түймэр саралгада хэрэгтэй оньһон тодхогдохо юм.
“Үльгэр” болон “Байгал” театрнуудта тусхай автомашинануудые абажа үгэхөөр хараалагдана. Үшөө тиихэдэ “Байгал” театр шэнэ костюмууд болон тайзанай хэрэгсэлнүүдые абаха түсэбтэй.
Улаан-Үдэ хотын Ленинэй гудамжада оршодог түүхэтэ байшангуудые заһабарилгада мүнгэн һомологдохо.10 млн. түхэриг буряад киногой хүгжэлтэдэ дамжуулагдаха болобо гэжэ Буряад Уласай Засагай газарай хэблэлэй албан мэдээсэнэ.
