1125
Мүнөөдэр, июлиин 7-до Буряад Уласта “Ородой Холбоото Уласай вертолёдууд” гэһэн холдингын генеральна захирал Андрей Богинский албанай хэрэгээр Буряад Улас ерэбэ. Тиихэдээ тэрэ Буряад Уласай Толгойлогшын уялгануудые дүүргэгшэ Алексей Цыденовтэй уулзаха юм.
“Ородой Холбоото Уласай вертолёдууд” гэһэн холдинг Улаан-Үдын авиационно заводой хүгжэлтын холын хараата түсэбүүдые табижа, үйлэдбэриин аша үрэтэйгөөр ажалаа ябуулхын тула һэльбэн шэнэдхэлгын технологи нэбтэрүүлгэдэ туһа хүргэдэг. Буряад Уласай эдэй засагай хүгжэлтэдэ манай үйлэдбэри удха шанартай гэжэ ойлгонобди. Буряад Уласай толгойлогшын уялгануудые дүүргэгшын дэмжэлгээр, суг ажалаа аша үрэтэйгөөр ябуулхабди”, -гэжэ Андрей Богинский хэлэбэ.
“Ородой Холбоото Уласай вертолёдууд” холдингын бүридэлдэ “Улаан-Үдын авиационный завод” гэһэн хуби ниилүүлһэн бүлгэм ородог юм. Энэ завод мүнөө дээрээ вертолёдуудые бүтээдэг эгээл томо үйлэдбэринүүдэй нэгэн болодог. Улаан-Үдын авиазаводто Ми-8/17, эрхэтэнэй Ми-8АМТ, Ми-171 болон сэрэгэй Ми-8АМТШ, Ми-171Ш түхэлэй вертолёдуудые бүтээдэг.
- Буряад Уласай эдэй засагай һалбарида Улаан-Үдын авиационно заводой үүргэ сэгнэшэгүй. “Ородой Холбоото Уласай вертолёдууд” холдингтой суг ажалаа ябуулжа, авизаводой саашадаа хүгжэжэ байхын тула оролдохобди,- гэжэ Буряад Уласай Толгойлогшын уялгануудые дүргэгшэ Алексей Цыденов хэлэбэ.
Улаан-Үдын авиазавадой үйлэдбэрилһэн вертолёдууд Ородой Холбоото Уласай гүрэнэй можо нютагуудта, Европо, Ази, Африка, Урда Америкэ, Австрали болон Океаниин 40-өөд гүрэнүүтэ амжалтатай хэрэглэгдэдэг юм. Эндэ үйлэдбэрилһэн вертолёдуудай тоо 10 мянга шахуу боложо байна.
Ростех корпорациин архивһаа гэрэл зураг абтаба.
