1050
Роман Троценко Улаан-Үдын аэропорт худалдажа абаһан тухай хэлсээ үсэгэлдэр баталһан байна.
Һайнаар ажалаа эмхидхэбэл, «Байкал» аэропорт табан жэл үнгэрһэнэй удаа жэлэй сая хүнүүдые урагшаа хойшонь зөөхэ аргатай болоод байха гэжэ Forbes сэтгүүлтэй Роман Троценко түсэбүүдээрээ хубаалдаба. Тэрэ аэропорт хүгжөөлгэдэ гурбан миллиард мүнгэ һомолхоор бэлэн.
«Аэропортдо һүүлэй үедэ хубилалтанууд болоогүй, самолёдоор ниидэхэ хүнүүдэй тоо бага болоно», - гэжэ Роман Троценко тэмдэглэбэ. Ородой Холбоото Уласай авиациин мэдээгээр, Улаан-Үдын аэропорт үнгэрһэн жэлдэ 235 мянган хүнүүдтэ туһаламжа үзүүлһэн байна. 2015 онтой жэшэбэл,тэрэнь 17,5 хубяар бага болоо.
Уласай засаг зургаан аяншалга хүгжөөлгэдэ анхаралаа хандуулжа, аэропортын байдал хубилгагдана. Жэлдээ сая хүнүүдтэ аэропортын туһаламжа хүргэхын тула, гурбан миллиард мүнгэ һомолхо хэрэгтэй. Тэрэнэй хахад сэнгынь «Новапорт» холдинг гаргашалха, бэшэнь урьһаламжын байха юм. Улаан-Үдын аэропорт худалдажа абахадаа, «Новапорт» холдинг өөдынгөө мүнгэ гаргашалаа.
Анна Огороднигой гэрэл зураг.
