878
Буряад Уласай Засагай Газарта бага болон дунда олзын хэрэг эрхилэлгын үйлэдбэринүүдтэ хэрэгсэлнүүдые худалдан абаха талаар гүрэнэй тэдхэмжэ 2018 ондо һомологдоһон байна.
Буряад Уласай олзын хэрэг эрхилэгшэдтэ гаргашануудайнь 50 хуби түлэгдэхэ, гүрэнэй дэмжэлгэдэ хүртэһэн хүндэ 10 сая түхэриг хүрэтэр мүнгэн һомологдохо. Байгша ондо болон гараха жэлдэ гүрэнэй тэдхэмжэ хэрэглэжэ болоно. 2018 ондо уласай 27 олхын хэрэг эрхилэгшэд гүрэнэй дэмжэлгэдэ хүртэһэн байна.
- Буряад Уласай үйлэдбэриин болон худалдаа-наймаанай яаман гүрэнэй дэмжэлгэ14-һөө дээшэ янзаар хүргэдэг. Тиихэдэ нэгэ доро хэдэн асуудалнууд шиидхэгдэдэг, - гэжэ Буряад Уласай үйлэдбэриин болон худалдаа-наймаанай сайдай орлогшо Алексей Оловянников хэлэбэ.
Гүрэнэй иимэ дэмжэлгэдэ Буряад уласай хизаарламал харюусалгатай «Хлебушек» бүлгэм хүртэһэн байна. Тус бүлгэмдэ шэнэ техникэ худалдан абажа, 2,5 сая түхэригэй тэдхэмжэ үзүүлэгдээ.
Ородой Холбоото Уласай Юрэнхылэгшын «2024 он болотор Ородой Холбоото Уласай хүгжэлтын үндэһэтэнэй зорилгонууд болон холын хараата түсэбүүд тухай» гэһэн зарлигай, «Үйлэдбэри, бага болон дунда олзын хэрэг эрхилэлгын хүгжэлтэ» гэһэн Буряад Уласай программын хэмжээндэ гүрэнэй тэдхэмжэ үзүүлэгдэнэ. Буряад Уласта «Бага болон дунда олзын хэрэг эрхилэлгэ, олзын хэрэг эрхилэлгын үүсхэл дэмжэлгэ» гэһэн түсэл түрүүлэн бэелүүлэгдэнэ. Түсэлэй ёһоор, 2024 он болотор бага болон дунда олзын хэрэг эрхилэлгэдэ 25 сая болотор хүнүүдыее хабаадуулха зорилготой.
