1096
Буряадай ниислэл хото Улаан-Үдэдэ мартын 28-29-нэй үдэрнүүдтэ Ородой Холбоото Уласай болон Монгол уласай олзын хэрэг эрхилэгшэд уулзалгануудые үнгэргэхэ. Тиихэдэ Монголһоо дүшөөд компанинуудай түлөөлэгшэд ерэхээр хараалагдана.
Монголой Гадаадын хэрэгүүдэй яаманай хүтэлбэрилэгшэ делегацияа түлөөлхэ. Монгол гүрэндэ Ородой Холбоото Уласай худалдаа-наймаанай түлөөлэгшэ Максим Васильев болон бусад хэмжээ ябуулгада хабаадаха юм.
Хоёр хүршэ гүрэнүүдэй дунда болон бага олзын хэрэг эрхилэлгэдэ ажал суг ябуулха, суг хамта түсэлнүүдые бэелүүлхэ, хани барисаанай болон хилэ шадархи харилсаа хүгжөөхэ зорилготой хэмжээ ябуулга эмхидхэгдэнэ. Уулзалгын түрүүшын үдэр хүдөө ажахы, хүнгэн үйлэдбэри, барилга, тээбэри болон логистика гэһэн һалбаринуудаар хэмжээ ябуулганууд үнгэргэгдэхэ. Уулзалгада хабаадагшад өөһэдынгөө компанинуудай танилсуулжа, дүй дүршэлөөрөө андалдаха. Буряад Уласай засаг зургаанай түлөөлэгшэд можо нютагайнгаа эдэй засагай һалбариин арга боломжонуудтай танилсуулха.
Олзын хэрэг эрхилэгшэдэй уулзалгын хоёрдохи үдэртэ Монголой айлшад Буряад уласай үйлэдбэринүүдтэ, тэрэ тоодо Улаан-Үдын үйлэдбэриин паркда хүрэхэ юм.
Энэ уулзалгын хэмжээндэ «Baikal Trade - 2019» гэһэн монгол болон ородой эд бараанай уласхоорондын үзэсхэлэн-дэлгүүр эмхидхэгдэхэ. Улаан-Үдын «Пионер-2» гэһэн түбтэ үзэсхэлэн нээгдэжэ, мартын 30 болотор дэлгэгдэхэ.
Үнгэрһэн жэлдэ Буряад Уласай Худалдаа-үйлэдбэриин танхимай эмхидхэһэн жхэмжээ ябуулгада Монголой Улаан-Баатарай болон аймагуудай компанинуудай 170-аад түлөөлэгшэд хабаадаа гэжэ һануулнабди.
Буряад Уласай Засагай газарай мэдээсэлэй албанай гэрэл зураг
