1102
«Хевел» компани 2019 оной түрүүшын гурбан һарын үедэ наранай элшын зайн галай станцинуудай үйлэдбэрилһэн элшэ хүсэнэй талаар дүнгүүдые согсолбо. Тэрэнэй ёһоор, Бэшүүр аймагай наранай элшын станци эгээл ашаг үрэтэй хүдэлһэн байна. Хоёрдохи, гурбадахи һууринуудта Алтайн хизаарай Усть-Канайнаранай элшын станци, Кош-Агачска хоёр станци хүртөө.
Ородой Холбоото Уласай Алтай, Буряад, Башкир уласууд болон Астраханска, Оренбургска, Саратовска можонуудта 2019 оной түрүүшын гурбан һарада зайн галай һалбарида «Хевел» компаниин наранай элшын 17 станци хүдэлөө. Эдэ станцинуудта бүхыдөө 49 380 тыс. кВт/ч элшэ хүсэн үйлэдбэрилэгдөө. Тус хэмжээ үнгэрһэн жэлэй энэл болзортой жэшэхэдэ, 68 хубяар дээшэлһэн байна.
Бэшүүр аймагта наранай элшын зайн галай станци 2017 ондо баригдаа гэжэ һануулнабди. Тэрэнэй барилгда 1 миллиард тухай түхэриг гаргашалагдаа.
- 2019-2021 онуудта «Хевел» компани Буряад уласта үшөө зайн галай гурбан станци Хори, Зэдэ аймагуудта бариха түсэбтэй. 2018 оной июль һарада наранай элшын станциин барилга эхилэнхэ, 2019 оной ноябрь һарада тэрэ ашаглалагада тушаагдахаар түсэблэгдэнэ, - гэжэ Буряад уласай унаа тээбэриин яаманда тэмдэглэбэ.
