1217
Буряад уласта бог шорой шэрэхэ, хуряаха «ЭкоАльянс» бүлгэм ажаһуугшадай түлбэри түлэхэ талаар хэдэн арга хараалба. Энээн тухай Буряад Уласай байгаалиин нөөсэнүүдэй яаманай таһагые даагша Светлана Трофимова болон «ЭкоАльянс» бүлгэмэй захирал Игорь Алексеев хэлэбэ.
Буряад уласай ажаһуугшад бог шорой хуряаха, шэрэхэ туһаламжын түлөө «Сбербанк» бүлгэмэй болон «Почта России» эмхиин бүхы таһагуудта түлэхэ аргатай. Тиихэдэ уласай ниислэл хото болон аймагуудта «Мои коммунальные счета» гэһэн түлбэри суглуулдаг 37 пунктда түлбэри абаха юм.
Энээнһээ гадуур Улаан-Үдын ажаһуугшад мэдээсэлэй тоололгын ниитэ нэгэ түбүүд (ЕИРЦ), «Связьтелеком» болон «ЭкоАльянс» бүлгэмүүдтэ бог шорой шэрэхэ, хуряаха талаар мүнгэеэ түлэхэ аргатай. Тиихэдэ ажаһуугшад лицевой счёдоор гү, али бүридхэлдэ абтаһан ажаһуудаг газартаа түлбэри оруулжа болохо.
Майн 20-до «ЭкоАльянс» бүлгэм Буряад уласай ажаһуугшадай түлбэриин талаар мэдээсэл бүридхэжэ, майн 21-һээ тэрэ тараагдаха.
Байгша оной апрелиин 1-һээ Буряад уласта «ЭкоАльянс» бүлгэм ажалаа ябуулжа эхилээ. Буряад Уласай дэбисхэр богшорой суглуулха, шэрэхэ, усадхаха талаар 3 газарта хубаагданхай. Буряад Уласай дэбисхэр бог шорой суглуулха, шэрэхэ, усадхаха талаар 3 газарта хубаагданхай. Нэгэдэхи газарта Улаан-Үдэ, Северобайкальск хото, Ивалга, Тарбагатай, Бэшүүр, Мухар-Шэбэр, Аха, Түнхэн, Ярууна, Хэжэнгэ, Хори, Загарай, Хойто Байгалай, Муяын, Бабантын аймагууд хабаатай. Баргажан, Кабанск, Хурамхаан, Байгал шадарай аймагууд хоёрдохи газар болоно. Зэдэ, Захаамин, Хяагта, Сэлэнгэ аймагууд гурбадахи газарта ороно.2019 оной апрелиин 1-һээ бог, хаядаһанай түлөө нэгэ хүнэй түлбэри һарын 67,76 түхэриг (нэгэдэхи газарта), 66,91 түхэриг (хоёрдохи газарта), 64,21 түхэриг (гурбадахи газарта) гэһэн сэн байгуулагдаа.
Тиихэдэ бог, хаядаһа суглуулха талаар түлбэриин түлөө хуулиин ёһоор хүнгэлэлтэнүүд хараалагданхай. Буряад Улас бог шорой, хаядаһа хуряаха талаар эгээл бага хэмжээнэй түлбэритэй 20 можо нютагай тоодо ороно.
Бог шорой шэрэхэ, хуряаха талаар түлбэри гэртэ бүридэлдэ абтаһан хүнүүдэй тоогоор бүридхэгдэхэ гэжэ һануулнабди.
Тодорхой мэдээсэл абаха гү, али асуудалнуудай гарабал уласай ажаһуугшад 8(800)2019-559, 8(3012) 37-91-95, 8(3012) 30-99-77 гэһэн утаһаар хонходохо аргатай.
Тиихэдэ бог шорой хуряаха талаар хэлсээ баталха, бог шорой шэрэхэ гурим эбдэһэнэй талаар Буряад Уласай байгаалиин нөөсэнүүдэй яаманда 8(3012)46-06-16 гээһн утаһаар хъонходожо болоно.
