402
Ородой Холбоото Уласай Юрэнхылэгшын хэлэhэн дэмжэхэ арганууд бэелүүлэгдэнэ
Эгээл ехээр хохидолдо орохо аргатай hалбаринуудые дэмжэхэ талаар Юрэнхылэгшэ шиидхэбэри абаhан байна. Эндэ 22 hалбари тухай хэлэгдэнэ: авиа ашаа шэрэлгэ, аэропорты нажал, авто ашаа шэрэлгэ, соёл, сүлөө саг болон сэнгэлгэ эмхидхэлгэ, физкультурын-элүүржүүлгын ажал болон спорт, аяншалгын hалбари, зошод буудал, олоной хоол бариха газарнууд, нэмэлтэ hуралсал болон гүрэнэй бэшэ болбосоролой эмхинүүд, конференции болон үзэсхэлэн эмхидхэлгэ, юрын ажабайдалай туhаламжа үзүүлгэ ( заhабари, химчисткэ, парикмахерскэ болон гоё hайханай салон). Буряадай дэбисхэртэ эдэ hалбарида нэрлэгдэhэн 4932 үйлэдбри ажалаа ябуулдаг.
Юрэнхылэгшын даалгабаряар эдэ үйлэдбэринүүдтэ үзүүлэгдэхэ дэмжэлгэ:
- НДС-hээ бэшэ татабари зургаан hараар хойшолуулга;
- микроүйлэдбэринүүд гүрэнэй бюджетнэ бэшэ жасада даадхалай түлбэри зургаан hараар хойшолуулга;
- дунда болон бага олзын хэрэг эрхилэгшэдтэ урьhаламжа зургаан hараар хойшолуулга;
- тогтууритай урьhаламжа хангаха талаар нэмэлтэ хэмжээнүүд, тэрэ тоодо гүрэнэй даадхал болон субсидировании үзүүлэгдэхээр;
- компанинуудай панхаруутаха тухай мэдүүлгэ зургаан hараар оруулхагүй, үйлэдбэринүүлhээ үри, яла абахагүй;
- бага болон дунда олзын хэрэг эрхилэгшэдтэ федеральна, уласай болон нютагай зөөриин түлөө түлбэри хойшолуулга;
- 8,5% -hээ дээшэ бэшэ хүнгэлэлтэтэй ипотекэ МСП-дэ үгэхэ арга үргэдхэлгэ;
- шалгалта, түсэблэгдэhэн болон бэшэшье шалгалтануудые үнгэргэхэгүй.
- Ажаhуугшадые болон олзын хэрэг эрхилэлгэ дэмжэхэ талаар Юрэнхылэгшэ шиидхэбэринүүдые абаа. Олзын хэрэг эрхилэлгын талаар НДС-hээ бэшэ татабари зургаан hараар хойшолуулга. Мүнөө федеральна болон уласай татабариин албангууд энэ шэглэлээр хүдэлнэ, тусхай дансанууд абтана. Энэ татабариhаа сүлөөлнэгүй, хойшолуулагдана, тиигэбэшье, хахад жэлэй үнгэрhэнэй удаа татабари нэгэ доро түлэхэ гэбэлнь, олон эмхи түлэжэ шадахагүй гэжэ мэдээжэ, панхаруутаhан тухайгаа мдүүлгэ оруулха. Тиимэhээ засаг зургаанда саашадаа, хахад жэлэй удаан юун хэхэб гэhэн шиидхэбэри хараална. Тиигээшье hаа реструктуризации, олон жэлнүүдтэ хубаарилhан түлбэри гү, али налогой амаралта гэhэн шиидхэбэринүүд абтаха, - гэжэ Алексей Цыденов хэлэбэ.
- Ажаhуугшадта үзүүлхэ туhаламжын талаар, юрэнхылэгшын соносхоhоор, хүнүүдэй олзонь 30 %-ээр доошолбол, тэрэ урьhаламжын болон ипотекын түлбэри яла тохонгүйгөөр хойшолуулха аргатай. Микроүйлэдбэринүүд иимэ хүнгэлэлтын хажуугаар ниигэмэй жасада даадхалай түлбэри хойшолуулха аргатай, - гэжэ Буряадай Толгойлогшо нэмэбэ.
