1250
2019 ондо Ородой Холбоото Уласай Банк мүнгэн һангай 33 эмхи хуули бусаар ажаллаа гэжэ элирүүлээ. Эдэ эмхинүүдтэ урьһаламжа үгэхэдөө ехэ %-гээр үгэжэ, түлэжэ шадахаа болёо һаань, айлгаха, һүрдөөхэ гэһэн хуули бусын ябадалнууд үнгэргэдэг байна.
«2018 ондо орходоо, эдэ эмхинүүдэй тоо дээшэлһэн байна. Прокуратура болон сагдаанартай нягта холбоотойгоор хүдэлһэнэй ашаар, гэмтэд элирүүлэгдээ. Хуули бусаар ажалаа ябуулдаг эмхинүүдтэ Буряадай ажаһуугшад хандахадаа, үлүү ехэ мүнгэ түлэхэһөө гадна, гэр байрашьегүй, гэмэлтэжэшье болохо», - гэжэ Ородой Холбоото Уласай Банкын Буряадтахи таһагай хүтэлбэрилэгшын уялга дүүргэгшэ гэжэ Виталий Пономарев хэлэбэ.
Худал хуурмагаар ажалаа ябуулдаг хүнүүдэй һабарта орохогүйн тула, мүнгэн һангай эмхинүүд тухай мэдээсэл Ородой Холбоото Уласай Банкын сайтда хаража болохо. Теэд ганса нэрэнүүдынь хараад дүүрэшэхэ бэшэ, дансануудай тоо, дугаарлал хараха шухала. Юундэб гэхэдэ, мэхэшэд адли нэрэнүүдые хэрэглэдэг байна. Тиимэһэ анхаралтайгаар дансануудыень шалгаха хэрэгтэй.
